Baseada no traballo directo en campo coa técnica da prospección superficial sobre o terreno, permite detectar todos aqueles aspectos do patrimonio cultural que poidan verse afectados en futuras obras, prevendo así as medidas a adoptar para paliar tales efectos.
Combina a busca documental e o traballo de campo, tendo como obxectivo a obtención dun completo inventario sobre todos aqueles bens, indicios e vestixios do patrimonio cultural (arqueoloxía, arquitectura civil e relixiosa, etnografía) presentes nunha determinada zona. A estructura básica presentáse con descripcións pomenorizadas, situación planimétrica e reportaxe fotográfica.
Cada vez son máis os casos onde a lexislación esixe a posta en práctica deste tipo de intervencións, baseada na presencia dun técnico arqueólogo en obra mentras duren os traballos de remoción de terras previstos. Prantéxase tamén coma un dos aspectos a incluir nos Plans de Seguimento e Vixiancia Ambiental dos grandes proxectos de infraestructuras.
A investigación do subsolo por procedemento manual e aplicando técnicas de rexistro e documentación específicas e axeitadas é a modalidade de traballo arqueolóxico que soe requerir maiores recursos humanos e materiais. A amplia experiencia da nosa empresa queda avalada polas numerosas intervencións deste tipo efectuadas ó longo de toda a nosa traxectoria.
Realizamos tamén estudios específicos para as diversas necesidades que se lle presentan ós nosos clientes, en base á nosa condición de técnicos especializados dentro do campo do patrimonio cultural. Soe tratarse de traballos de valoración e xeralmente non precisan dun traballo de campo específico, polo que non precisan tramitación administrativa previa.
Entendidas como valoración previa do terreno, esta modalidade de intervención é requerida sobre todo naquelas áreas con especial protección arqueolóxica: cascos antigos, lugares próximos a xacementos coñecidos ou onde se presume a existencia de vestixios, etc.
Moitos dos xacementos arqueolóxicos catalogados a día de hoxe están situados en parcelas con dedicación forestal. Os traballos de corta e/ou plantación pretendidos nesas áreas tópanse coa necesidade de ter que cumprir os requisitos de respecto e protección establecidos para estes elementos do patrimonio cultural.
En DOA realizamos calquera dos procedementos que dende a DXPC se soen esixir nestes casos: identificación do xacemento, balizado, ou control sobre a corta. Temos tamén a capacitación para realizar informes técnicos sobre xacementos mal situados, parcelas afectadas de forma errada ou axuda nos casos de denuncias anteriores.
Información de contacto
OFICINA MÓBIL: 981 806 244
MAIL: doa@doaarqueologos.com